Jahon tillari fakulteti talabalari ishtirokida aktyor Rahmatillo G‘aybullayev bilan uchrashuv tashkil etildi
Bugun, 16-aprel Namangan davlat universitetida Jahon tillari tomonidan "Ijodkor va yoshlar” loyihasi doirasida teatr aktyori bilan uchrashuv o‘tkazildi.
Mehmon sifatida “Alisher Navoiy” nomli viloyat musiqali drama teatr studiyasi aktyori, "Sabbai sayyor" , "Ona", "Ibrat", "Usmon Nosir" kabi muhim mavzularga bag‘ishlangan sahna asarlaridagi obrazlari bilan ko‘pchilikning eʼtiboriga tushgan mahoratli aktyor Rahmatillo G‘aybullayev taklif qilindi. 
Uchrashuvda Rahmatillo G‘aybullayev talqinidagi obrazlar tahlil qilindi, ular orqali ochib berilgan ijtimoiy muammolar, milliy til, madaniyat va maʼrifat, vatanparvarlik mavzularida, shuningdek, media sohasidagi reformalar, bugungi media bozorning real ehtiyojlari va sohaning kelajagi haqida fikr bildirildi.
Uchrashuv muloqot shaklida tashkil etilib, talabalar o‘zlarining fikr-mulohazalari, savol va takliflari bilan faol ishtirok etishdi.
O'zbek tili
Rus tili
Ingliz tili
