Тошкент шаҳрининг 2200 йиллик юбилейига бағишланади

Ўрта Сирдарё воҳаси ва унинг бош шаҳри Тошкент қадимги даврларданоқ зироаткор аҳоли ва кўчманчи-чорвадор қабилаларнинг ўзаро этник ва маданий алоқаларида, шунингдек, Хитой ва Ҳиндистон билан Эрон, Византия ҳамда Европа мамлакатлари ўртасидаги ижтимоий-маданий ва айниқса, савдо-иқтисодий алоқаларда ўзига хос кўприк вазифасини ўтаган. Шубҳасиз, Ўзбекистон тарихининг ажралмас қисми исобланган Тошкентнинг қадимги ва ўрта асрлар даври тарихини ёритишда ёзма манбаларнинг беқиёс ўрни бор.