Namanganda Usmon Nosir tavalludining 113-yilligiga bag‘ishlangan tadbir o‘tkazildi

Hamyurtimiz otashnafas shoir, tarjimon, dramaturg Usmon Nosir tavalludiga bag‘ishlangan tantanali tadbir bo‘lib o‘tdi.

Namangan shahrida joylashgan Usmon Nosir xiyobonida bo‘lib o‘tgan marosimda Namangan viloyati hokimi o‘rinbosari Otabek Bozorov, Ma’naviyat va ma’rifat markazi viloyat bo‘limi rahbari Musoxon Appaqov, shoir-yozuvchilar, ta’lim sohasi mutasaddilari, OAV, yoshlar va keng jamoatchilik vakillari ishtirok etdilar.

Tadbirda shoir-yozuvchilar, Namangan davlat universiteti talabalari tomonidan she’r va g‘azallar o‘qildi. 

Shundan so‘ng xiyobon markazidagi Usmon Nosir haykali poyiga gulchambarlar qo‘yildi.