Biotexnologiya fakultetiga joriy o'quv yilida birinchi bosqichga qabul qilingan talabalar uchun “Bir bo’lsak - yagona xalqmiz, birlashsak - Vatanmiz” shiori ostidagi “Leader mont” (moslashuv haftaligi) doirasida seminar-trening tashkil etildi.

Uchrashuvda fakultet dekani I.Odilov, dekan o'rinbosarlari, tyutorlar, koordinatorlar hamda O'zbekiston yoshlar ittifoqining universitetdagi boshang'ich tashkiloti yetakchisi Sh.Sultanov ishtirok etib, yangi muhitga moslashayotgan talaba-yoshlarga universitet hayoti, mavjud imkoniyatlar, yaratilgan sharoitlar va istiqbolli rejalar borasida ma'lumotlar berildi.

Eng asosiy maqsad talabalarning ilk o'qish jarayonlari oldidan kelgusi 4 yil davomida erishishi mumkin bo'lgan yutuq va imkoniyatlari borasida tushunchalar berildi. Tabiiyki, bunday yangiliklar ularda katta qiziqish uyg'ota oldi.