O'zbekcha
Ruscha
Inglizcha
Namangan davlat universitetida “Yangilanayotgan NamDUda yangi yil!” nomli madaniy-ma’rifiy bayram tadbiri bo‘lib o‘tdi.
Bayram tadbirini universitet rektori Abdug‘affor Qirg‘izboyev ochib berib, universitet jamoasini yaqinlashib kelayotgan Yangi yil bilan samimiy tabrikladi.
Rektor o‘z nutqida 2025-yil Namangan davlat universiteti hayotida muhim islohotlar, keng ko‘lamli yangilanishlar hamda salmoqli yutuqlar bilan yodda qolgan davr bo‘lganini alohida ta’kidladi. Jumladan, o‘quv jarayoni samaradorligini oshirish, ilmiy-tadqiqot ishlari va innovatsion faoliyatni faollashtirish, xalqaro hamkorlik aloqalarini kengaytirish, yoshlar bilan ishlash, ma’naviy-ma’rifiy sohada erishilgan katta yutuqlar, shuningdek, universitet infratuzilmasini zamonaviy talablar asosida yangilash va takomillashtirish borasida amalga oshirilgan ishlar haqida atroflicha so‘z yuritdi.
“2025-yil Namangan davlat universiteti hayotida yangilanishlar, muhim islohotlar va salmoqli yutuqlar bilan yodda qoladigan davr bo‘ldi. Jamoamizning fidokorona mehnati natijasida ta’lim sifati, ilmiy salohiyat, xalqaro hamkorlik va ma’naviy-ma’rifiy yo‘nalishlarda katta natijalarga erishildi. Kelgusida ham universitetni yanada yuksak bosqichga olib chiqish yo‘lida birgalikda izchil faoliyat olib boramiz.” — dedi rektor o‘z nutqida
Tadbirda yil davomida o‘zining samarali mehnati, tashabbuskorligi va fidoyiligi bilan universitet rivojiga munosib hissa qo‘shgan bir qator professor-o‘qituvchilar hamda xodimlar universitet rahbariyati tomonidan munosib rag‘batlantirildi.
Bayram tadbiri doirasida San’atshunoslik fakulteti professor-o‘qituvchilari hamda universitetning ijodkor talaba-yoshlari tomonidan tayyorlangan rang-barang va mazmunli bayram konsert dasturi namoyish etildi. Musiqiy chiqishlar, sahna ko‘rinishlari va ijodiy kompozitsiyalar tadbir ishtirokchilariga bayramona kayfiyat ulashib, Yangi yil oldidan barchaga ko‘tarinki ruh bag‘ishladi.
So'nggi yangiliklari
