Biotexnologiya fakultetida ota-onalar yig‘ilishi o‘tkazildi.

Mazkur yig‘ilishda universitet xotin-qizlar masalalari bo‘yicha rektor maslahatchisi S.Usmanova, profilaktika inspektori D.Karimov, Biotexnologiya fakulteti dekani A.Batoshov, Marketing bo‘limi boshlig‘i I.Raximov, kafedra mudirlari, professor-o‘qituvchilar, tyutorlar hamda talabalar ota-onalari ishtirok etdilar.

Yig‘ilish davomida O‘zbekiston Respublikasi Prezidenti tomonidan 27-yanvar kuni o‘tkazilgan selektor yig‘ilishida belgilangan ustuvor vazifalar yuzasidan tushuntirishlar berildi. Shuningdek, talaba-yoshlar o‘rtasida jinoyatchilikning oldini olish, giyohvandlik va psixotrop moddalarning zararli oqibatlari, joriy semestr sessiyasi yakunlari hamda guruhlar kesimida talabalar bilim darajasi va baholari muhokama qilindi.

Bundan tashqari, Vazirlar Mahkamasining 149-sonli qarori mazmun-mohiyati qayta tushuntirildi, ijara xonadonlarida istiqomat qilayotgan talabalar xavfsizligini ta’minlash masalalariga alohida e’tibor qaratildi. Talabalarning kiyinish madaniyati, ichki tartib-qoidalarga rioya etishi, ijtimoiy tarmoqlar va internet saytlaridan foydalanish madaniyati bo‘yicha tegishli tavsiyalar berildi.

Namangan davlat universiteti Axborot xizmati