Ёш ўқитувчиларга ёрдам

Ушбу услубий тавсиялар Олий ва ўрта махсус таълим вазирлигининг 2005 йил 21 февралдаги 34-сон буйруғи билан тасдиқланган “Талаба мустақил ишини ташкил этиш, назорат қилиш ва баҳолаш тартиби тўғрисидаги Намунавий низом” ва 2005 йил 30 сентябрдаги 217 сон буйруғи билан тасдиқланган «Олий таълим муассасаларида талабалар билимини назорат килиш ва баҳолашнинг рейтинг тизими тўғрисидаги муваққат низом» асосида ишлаб чиқилган. Унда мазкур Низомларда белгиланган талабларни олий талим муассасаларида бевосита ўқув жараёнига тадбиқ этиш усуллари меъёрий ҳужжатларнинг амалий намуналари ёрдамида ўз ифодасини топган. Мазкур услубий тавсиялар олий ўқув юртларида ўз фаолиятини бошлаётган ёш ўқитувчиларга ёрдам тариқасида тавсия этилади. Ушбу услубий тавсиялар Самарқанд давлат чет тиллар институти Ўқув-услубий кенгашининг 2006 йил 24 май 8-қарори билан нашрга тавсия этилган.