Ma’naviyat bo‘limi faoliyati to‘g‘risida ma’lumot

Namangan davlat universiteti Yoshlar bilan ishlash, ma’naviyat va ma’rifat bo‘limi universitetdagi ma’naviy-ma’rifiy faoliyatni tashkil etadi hamda ushbu soha bo‘yicha hodimlar faoliyatini muvofiqlashtiradi.

Universitet Yoshlar bilan ishlash, ma’naviyat va ma’rifat bo‘limi Namangan shahar Boburshox ko‘chasida joylashgan universitet binosi 2-etaji 207-xonada joylashgan.

Hozirgi kunda Yoshlar bilan ishlash, ma’naviyat va ma’rifat bo‘limida 4 nafar uslubchilar faoliyat yuritmoqda. 

Bo‘lim boshlig‘i Jo‘rayev Sherali Pulatovich. 

Qabul kunlari: haftaning har chorshanba kuni soat 9:00 dan 12:00 ga qadar va juma kunlari soat 14:00 dan 16:00 ga qadar. 

Bog‘lanish uchun telefon raqam +99893 406-71-21

Email manzil: sheralijurayev@gmail.com

Yoshlar bilan ishlash, ma’naviyat va ma’rifat bo‘limining asosiy faoliyati quyidagilardan iborat:

Yoshlar bilan ishlash, ma’naviyat va ma’rifat bo‘limi oylik, yillik ish rejalarini tayyorlash hamda ish rejalarda belgilangan tadbirlarni yuqori saviyada tashkil etish;

Universitetda ta’lim vazirligining Hay’at Qarorlari, buyruqlari, yo‘riq xat, modemogramma va telefonogrammalarini, shuningdek, rektor buyruqlarining fakultetlar, kafedralar, bo‘limlarda bajarilishini ta’minlash va monitoringini olib borish;

Universitetda ma’naviy-ma’rifiy hamda ta’lim-tarbiya ishlarini  amalga oshirish hamda nazorat qilish;

Talabalar turar joylarida yashayotgan yoshlarning bo‘sh vaqtlarini mazmunli o‘tkazish maqsadida ma’naviy-ma’rifiy tadbirlar hamda turli tanlov va olimpiadalar tashkil etish;

Universitet ustavi, ichki tartib qoidalari, odob-axloq qoidalariga professor-o‘qituvchilar, hodimlar hamda talablarning rioya qilishini nazorat qilish va tartibga solish;

Talaba-yoshlar o‘rtasida jinoyatchilikni oldini olish bo‘yicha targ‘ibot ishlarini olib borish hamda ma’naviy-ma’rifiy tadbirlar tashkil etish;

Ijtimoiy himoyaga muhtoj, “Ijtimoiy himoya yagona reestri” hamda turli daftarlarda turuvchi yoshlarni moddiy va ma’naviy qo‘llab-quvvatlashga ko‘maklashish;

Iste’dodli yoshlarni iste’dodlarini ro‘yobga chiqarish maqsadida turli loyiha va yarmarkalar tashkil etish;

O‘zbekiston Respublikasi Prezidenti va hukumati tomonidan qabul qilingan farmon va qarorlar mazmunini talabalarga yetkazib borish;

Bo‘limga kelib tushgan va chiqish hujjatlarini rasmiylashtirish, ro‘yxatdan o‘tkazish, hisobini yuritish ishlarini nazorat qilish;

Oliy ta’lim, fan va innovatsiyalar vazirligi hamda yuqori turuvchi tashkilotlar tomonidan tashkil etilgan turli tanlov, musobaqalar, sport o‘yinlari va olimpiadalarda talaba-yoshlar ishtirokini ta’minlash hamda munosib ishtirok etishiga ko‘maklashmoqda.