O`quv qo`llanmada milliy iqtisodiyot va uning tarmoqlarida modellashtirish va prognozlashning mohiyati, iqtisodiy zaruriyati, nazariy va uslubiy asoslari, ijtimoiy-iqtisodiy jarayonlarni modellashtirish, ularning iqtisodiy mazmuni, zamonaviy axborot texnologiyalari vositasida echilishi, olingan natijalarni iqtisodiy talqin qilish kabilar bayon etilgan. Shu bilan birga, qo`llanmada bozor iqtisodiyoti sharoitida ijtimoiy-iqtisodiy prognozlashtirish - o`tmish va hozirgi zamonning iqtisodiy rivojlanish qonuniyatlari, tendentsiyalariga asoslangan holda kelajakni oldindan ilmiy bilish va istiqboldagi rivojlanish maqsadlarini va vazifalarini aniqlash ko`rib chiqilgan. O`quv qo`llanma magistratura bosqichida ta`lim olayotgan iqtisodiyot mutaxassisliklari talabalari uchun mo`ljallangan. Shuningdek, qo`llanmadan oliy o`quv yurtlarining o`qituvchilari, tadqiqotchilar ham foydalanishlari mumkin.
O'zbekcha
Ruscha
Inglizcha
