Raqamli ta'lim texnologiyalari kafedrasi haqida batafsil ma'lumot

Kafedra 1972 yil O‘zbekiston Respublikasi Fanlar Akademiyasi akademigi V. Q. Qobulov tashabbusi bilan ochilgan. Kafedra matematika, matematika va informatika yo‘nalishlarida dars olib borgan.

1992 yil 15 martdan boshlab Namangan davlat pedagogika instituti Namangan davlat universitetiga aylantirildi. 1993 yilning 1 sentyabrida universitet rektori Abdulla Azamovich A’zamov buyrug‘i bilan Algebra, informatika va hisoblash texnikasi kafedrasi bazasida Amaliy matematika va axborot texnologiyalari kafedrasi tashkil qilindi. Shu kafedra qoshida Amaliy matematika va informatika bakalavr yo‘nalishi ham ochildi.