Kimyo kafedrasi haqida batafsil ma'lumot

---

Kafedra 2024 yil 28-avgustda tashkil etilgan. Kimyo kafedrasi esa o‘z navbatida 1998-yilda tashkil etilgan. Kafedrada 60530100-Kimyo yo'nalishi bo‘yicha bakalavr, 70530101-Kimyo (fan yo‘nalishlari bo‘yicha) mutaxassisligi bo‘yicha magistrlar tayyorlanmoqda.

Kimyo kafedrasi bilan O‘zbekiston Milliy universiteti, O‘zR FA ning “Bioorganik kimyo”, “O‘simlik moddalari kimyosi”, “Polimerlar kimyosi va fizikasi” institutlari hamda Farg‘ona, Andijon davlat universitetlari o‘rtasida o‘zaro hamkorlik aloqalari o‘rnatilgan.

Kafedrada PhD G‘. Mamajanov, O. Abdullajanov va M. Davlatboyevlar rahbarligida “Organik kimyo”, “Umumiy kimyo”, “Kimyogar” to‘garagi o‘z faoliyatini olib bormoqda.

Kafedrada iqtidorli talabalar uchun yetarli shart-sharoitlar yaratib berilgan. Ko‘plab iqtidorli talabalar o‘zlarini qiziqtirgan mavzularda ilmiy izlanishlar olib bormoqdalar. Yo‘nalishda iqtidorli, izlanuvchan talabalar ko‘pchilikni tashkil etadi.

Kafedraning vazifalari:

Kafedraning vazifasi o‘quv, ilmiy-uslubiy, ilmiy-tadqiqot, ma’naviy-axloqiy, tarbiyaviy hamda tashkiliy-uslubiy ishlarni qamrab olgan istiqbolli va joriy (yillik) rejalarga muvofiq amalga oshiriladi. Ushbu rejalar va kafedra faoliyatiga tegishli boshqa vazifalarning bajarilishi kafedra mudiri raisligida o‘tkaziladigan kafedra yig’ilishlarida muhokama etiladi. Kafedra yig‘ilishlariga boshqa kafedralar va oliy ta’lim muassasalaridan xodimlar taklif etilishi mumkin.