Ayollar bor joyda pokizalik bo‘ladi, ayollar bor jasorat bo‘ladi!

Kuni kecha o‘tkazilgan  Prezidentimiz Shavkat Mirziyoyevning mamlakatimiz yoshlari bilan muloqotlarini tomosha qilar ekanman, bu kun O‘zbekiston yoshlari uchun tarixiy sana bo‘lib qoldi. Boisi  prezidentimiz tomonidan tashkil etilgan uchrashuvdagi  qarorlar biz ayol- qizlarni ham juda xursand qildi. Yoshlarni qo‘llab quvvatlashga qaratilgan bu muhim uchrashuv   kutganimizdan a’lo o‘tdi.  

Ayniqsa davlatimiz rahbarining ayol-qizlarga yuksak e’tiborlari  bugungi kunda ayol-qizlar hayotini  tubdan o‘zgartirmoqda desam adashmagan bo‘laman. Oliy ta’limlarda tahsil olishlari, ziyoli kadr bo‘lib jamiyatda o‘z o‘rniga ega bo‘lishi bilan birgalikda  kelajak avlodni yuksak ma’rifatli, madaniyatli  qilib tarbiyalashda  bu e’tibor katta zamin yaratadi.

Prezidentimizning “Men  bir hayotiy fikrni takrorlashdan charchamayman:bitta qizni o‘qitsak  butun oilani o‘qitgan bo‘lamiz.Oila bilimli,ma’rifatli bo‘lsa, butun jamiyat bilimli, ma’rifatli bo‘ladi. Bu boradagi ishlarni yanada jadal  davom ettiramiz” degan fikrlari biz ayollarni yanada ilm olishimizga qanot bo‘ldi.  Ayol qizlar uchun 5-yilga foizsiz 7 mlrd so‘mlik imtiyozli kredit olish bu juda katta imkoniyatlar eshigini ochdi. Ushbu oqilona olib borilayotgan islohotlar natijasida xotin-qizlarga kontrakt to‘lovlari davlat tomonidan qoplab berilayotgani hisobiga talaba qizlar soni 11 karra ko‘payganligi yaqqol misoldir.  

Davlatimiz  rahbarining ayollar uchun   berilayotgan  bu  yuksak  e’tibor  va  e’tiroflari   biz  ayol-qizlarga  yanada o‘ziga  bo‘lgan ishonch  va  faxr  tuyg‘usini  berar  ekan,  yosh  avlodni ma’rifatli, madaniyatli  qilib tarbiyalashda, zamonamiz  To‘marisi,  Uvaysiy-u Nodirabegimlar izidan borishga va’da beramiz.

Gulhida ABDURAXMONOVA,

Biotexnologiya fakulteti tyutori.