Prezidentimizning yoshlarga bo‘lgan ishonchi - bizni yanada kuchliroq qiladi va muvaffaqiyat sari ilhomlantiradi

Kuni kecha Prezidentimiz Shavkat Mirziyoyev yoshlar bilan o‘tkazilgan samimiy uchrashuvda mamlakatimizning kelajagi uchun muhim ahamiyatga ega bo‘lgan bir qator masalalarni ilgari surdilar. Prezidentning so‘zlarida yoshlarga bo‘lgan ishonch va ularning imkoniyatlarini kengaytirishga oid fikrlar o‘zgacha ahamiyat kasb etdi. Ular biz, yoshlarning kelajagini belgilashda muhim yo‘nalishlarni ko‘rsatib berdilar.

"Biz serg‘ayrat yoshlarga ishonganimiz uchun ularga katta maqsadlar qo‘ymoqdamiz", – deya ta’kidlaganlari shaxsan meni va men kabi  yoshlarning kelajagi uchun katta umid baxshida etdi. Prezidentimizning har bir so‘zi, biz yoshlarga yaratib berilayotgan sharoitlar va imkoniyatlar haqida chuqur o‘ylashga undaydi. Ular nafaqat o‘z ta’limini, balki jamiyatni rivojlantirish uchun ham mas’uliyatni his qilgan holda faoliyat yuritishlari lozim.

Xususan, Prezidentimiz xorijiy til markazlarini mamlakatimizning barcha hududlarida ochish tashabbusini ilgari surdi. Bu, nafaqat til o‘rganishning muhimligini anglatadi, balki global dunyoda muvaffaqiyatga erishish uchun zarur bo‘lgan bilimlarni olishga ham xizmat qiladi. Shuningdek, "Bitta qizni o‘qitsak, butun oila o‘qigan bo‘ladi" degan fikri bilan, o‘qitish va ta’limning oila va jamiyatni rivojlantirishdagi o‘rni haqida so‘zladi. Bu fikr har bir yosh o‘z bilimini faqat o‘ziga emas, balki oilasiga ham ulashishini anglatadi.

Shuningdek, Prezidentimizning yoshlarga bo‘lgan ishonchi va ularni qo‘llab-quvvatlashga bo‘lgan qat’iyati, bizni yanada ilhomlantiradi. Yoshlar uchun keng imkoniyatlar yaratish va ularga o‘rganish, kasb-hunar o‘zlashtirish, kreativ fikrlashni rag‘batlantirish mamlakatimizda kelajakda barqaror rivojlanishning garovi bo‘ladi. Yurtimizdagi barcha yoshlar uchun yangi bilimlar va imkoniyatlar eshigi ochilib, ularga katta mas’uliyat yuklatildi.

Biz, yoshlar, Prezidentimizning bu ishonchini oqlash uchun barcha imkoniyatlarni qo‘ldan boy bermaslikka va yuqori marralarni qo‘yishga tayyormiz. Har bir yoshning muvaffaqiyatli kelajagi faqat o‘zining bilim va mehnatiga bog‘liq. Ta’lim olish va o‘rganish jarayonida shaxsiy rivojlanish, global miqyosda muvaffaqiyatga erishish uchun barcha kuch-g‘ayratni sarflashimiz zarur.

Prezidentimizning ta’kidlashicha, bizning maqsadimiz – bilimli, ma’rifatli va yurtini sevuvchi yoshlarni tarbiyalashdir. Bu esa nafaqat o‘zimizning, balki butun jamiyatning rivojlanishiga xizmat qiladi. Har bir yoshni o‘qitish, unga yangi ufqlarni ochish orqali, butun jamiyatni ilgari surish imkoniyatini yaratish mumkin. Biz buni amalga oshirishda davom etishimiz zarur.

Namangan davlat universitetida ham Prezidentimizning yoshlar uchun ta’lim va imkoniyatlarni kengaytirish borasidagi tashabbuslari asosida bir qator islohotlar amalga oshirilmoqda. Universitetda xorijiy tillarni o‘rganish, zamonaviy texnologiyalar va innovatsiyalarni o‘qitish yo‘lida jiddiy qadamlar tashlanmoqda. Talabalarning jamiyatdagi o‘rni va mas’uliyatini oshirish maqsadida universitet yoshlar ittifoqi boshlang‘ich tashkiloti ham turli ijtimoiy va madaniy loyihalar ham amalga oshirilmoqda.

Namangan davlat universiteti, shuningdek, yoshlarni nafaqat o‘qitish, balki ularni jahon maydonida muvaffaqiyatli faoliyat yuritishi uchun zarur bo‘lgan kasbiy ko‘nikmalar bilan ta’minlashga alohida e’tibor bermoqda. Shu bilan birga, universitetda xorijiy tillar va madaniyatlarni chuqur o‘rganish uchun zamonaviy markazlar ochilib, talabalarga global miqyosda faoliyat yuritish imkoniyatlari yaratilmoqda. Bu islohotlar nafaqat Namangan davlat universitetining o‘zini, balki butun viloyatni ilmiy-ijtimoiy jihatdan rivojlantirishga xizmat qiladi.

Shunday qilib har bir yosh, Prezidentimizning so‘zlariga asoslanib, o‘z ta’limini faqat shaxsiy rivojlanish uchun emas, balki jamiyatni yuksaltirish uchun ham ishlatish kerak. Bizning yurtimizning kelajagi – bu bizning bilimimiz, mehnatimiz va mas’uliyatimizga bog‘liqdir!

Hakimjon ERGASHEV,
Tabiiy fanlar fakulteti talabasi