Universitetda navbatdagi Kengash yig‘ilishi o‘tkazildi

Kengash yig‘ilishida kun tartibidan o‘rin olgan masalalar doirasida 2025/2026 o‘quv yilda qabul qilingan magistrlarning ilmiy mavzulari va ilmiy rahbarlarini tasdiqlash, professor-o‘qituvchilarni moddiy rag‘batlantirish, shuningdek, universitetda “Karera markazi”ni tashkil etish masalalari muhokama qilindi. 

Shu bilan birga, O‘zbekiston Respublikasi Prezidentining 2020-yil 12-avgustdagi PQ-4805-sonli qarorining 13-bandi ijrosi hamda Oliy ta’limdan keyingi ta’lim qabul imtihonlari natijalarini tasdiqlash masalalari ko‘rib chiqildi va mazkur masalalar yuzasidan axborotlar tinglandi.

Yuqoridagi barcha masalalar yuzasidan fikr, mulohaza va takliflar tinglandi, shuningdek, tegishli topshiriqlar berildi va Kengash qarori qabul qilindi.