ATROF-MUHIT TOZALIGI — MAS’ULIYATIMIZ, BURCHIMIZ!

Namangan davlat universiteti Fizika-matematika fakultetining faol, tashabbuskor va ijtimoiy jarayonlarda faol ishtirok etib kelayotgan talabalari hamda tyutorlari tomonidan navbatdagi ekologik xayriya tadbiri tashkil etildi. 

Tadbir doirasida “Yuksalish” massividagi Tadbirkor MFY hududida atrof-muhitni tozalash, yashil makonni asrash va obodonlashtirish ishlari olib borildi.

Mazkur amaliy sa’y-harakatlar nafaqat hududni tartibga keltirish, balki talabalarda ekologik madaniyat, mas’uliyat va tabiatga mehr tuyg‘usini mustahkamlashga xizmat qildi. 

Tadbir davomida chiqindilar yig‘ishtirilib, muhit tozalandi, ko‘chalarda pokiza va qulay atmosfera yaratildi.