“Talaba Fest”: Zakovat maydonida bilimlar bellashdi

Namangan davlat universitetida “Talaba Fest” festivali doirasida talaba-yoshlarning bilim va tafakkur salohiyatini yuksaltirish, mantiqiy fikrlash qobiliyatini rivojlantirish hamda intellektual muhitni mustahkamlash maqsadida viloyatdagi oliy ta’lim muassasalari talabalari ishtirokida “Zakovat” intellektual o‘yini bo‘lib o‘tdi.

Bellashuv davomida ishtirokchilar turli yo‘nalishlardagi savollarga tezkor va aniq javob berib, o‘z bilimlari, keng dunyoqarashi hamda jamoaviy hamkorlik ko‘nikmalarini namoyon etdilar.

Qizg‘in va murosasiz ruhda kechgan o‘yin yoshlarning intellektual salohiyatini namoyish etish bilan birga, ular o‘rtasida do‘stona raqobat muhitini yanada mustahkamladi.