“Руссистика и современность” XXVIII xalqaro ilmiy konferensiyasi o‘tkazildi

Namangan davlat universitetida “Руссистика и современность” mavzusidagi XXVIII xalqaro ilmiy konferensiya bo‘lib o‘tdi.

Konferensiyani universitetning ilmiy ishlar va innovatsiyalar bo‘yicha prorektori Abdug‘affor Nazarov ochib berdi. Prorektor o‘z nutqida rus tili va adabiyotini o‘rganish, russhunoslik yo‘nalishidagi ilmiy tadqiqotlarni rivojlantirish hamda xalqaro ilmiy hamkorlikni mustahkamlashning dolzarb ahamiyatiga to‘xtaldi.

Xalqaro konferensiyada O‘zbekiston, Rossiya, Qirg‘iziston, Qozog‘iston, Belarus, Xitoy, Turkmaniston, Armaniston, Slovakiya, Indoneziya va Hindiston kabi mamlakatlardan yetakchi mutaxassislar, professor-o‘qituvchilar, doktorantlar hamda magistrantlar ishtirok etdi.

Konferensiya doirasida russhunoslikning dolzarb masalalari, til va adabiyotshunoslik sohasidagi zamonaviy ilmiy yondashuvlar hamda istiqbolli tadqiqot yo‘nalishlari yuzasidan fikr va tajriba almashildi.